Published On: Wed, Jan 11th, 2017

ജയിലുകളിലേതു പോലെ സൈനികര്‍ക്ക് ലഭിക്കേണ്ട ഭക്ഷണം കരിഞ്ചന്തയില്‍ മറിച്ച് വില്‍ക്കുന്നു

army-3

ജയിലുകളിൽ തടവുകാരുടെ റേഷൻ ജയിൽ വകുപ്പ് ഉദ്യോഗസ്ഥർ മറിച്ചു വിൽക്കുംപോലെ ജവാന്‍മാര്‍ക്ക് ലഭിക്കുന്ന ഭക്ഷണവും എണ്ണയും മറ്റു വസ്തുക്കളും പകുതി വിലയയ്ക്ക് കരിഞ്ചന്തയില്‍; ജവാന്മാർക്ക് പൊറോട്ടയും മഞ്ഞൾ കലക്കിയ വെള്ളവും. 

കഴിഞ്ഞ ദിവസത്തില്‍ സോഷ്യല്‍ മീഡിയയില്‍ വൈറലായ ബിഎസ്എഫ് ജവാന്റെ വീഡിയോ വഴിയാണ് അതിര്‍ത്തിയില്‍ സൈനികര്‍ അനുഭവിക്കുന്ന ദുരിതങ്ങള്‍ പുറത്ത് വന്നത്. ഭക്ഷണം പോലും ലഭിക്കാത്ത അവസ്ഥ തങ്ങള്‍ അനുഭവിക്കുന്നുണ്ടെന്നും മോശമായ ഭക്ഷണമാണ് ലഭിക്കുന്നത് എന്നും ജവാന്‍ പറഞ്ഞിരുന്നു.വിഷയം വിവാദമായതോടെ ആഭ്യന്തരമന്ത്രി രാജ്‌നാഥ് സിങ് വിഷയത്തില്‍ ഇടപ്പെടുകയും അന്വേഷണത്തിന് ഉത്തരവിടുകയും ചെയ്തു. ജവാന്റെ ആരോപണത്തെ ന്യായീകരിച്ച് പ്രദേശവാസികള്‍ നല്‍കിയ വെളിപ്പെടുത്തല്‍ ഞെട്ടിക്കുന്നതായിരുന്നു.

നമ്മുടെ രാജ്യത്തെ ജയിലുകളിൽ തടവുകാരുടെ റേഷൻ ജയിൽ വകുപ്പ് ഉദ്യോഗസ്ഥർ മറിച്ചു വിൽക്കുംപോലെ ജവാന്‍മാര്‍ക്ക് ലഭിക്കുന്ന ഭക്ഷണവും എണ്ണയും മറ്റു വസ്തുക്കളും പകുതി വിലയയ്ക്ക് കരിഞ്ചന്തയില്‍ തങ്ങള്‍ക്ക് ലഭിക്കുന്നുണ്ടെന്നാണ് പ്രദേശവാസികള്‍ പറയുന്നത്. ഇവര്‍ക്ക് വാങ്ങിക്കുന്ന ഫര്‍ണീച്ചറുകള്‍ക്ക് മേലുദ്യോഗസ്ഥര്‍ ടെന്‍ഡറിന് കമ്മീഷന്‍ വാങ്ങുന്നതായും ഗുണനിലവാരം പരിശോധിക്കുന്നില്ലെന്നും വ്യാപാരികള്‍ വെളിപ്പെടുത്തി.

അവിടുത്തെ പ്രാദേശിക മാധ്യമങ്ങൾ നടത്തിയ അന്വേഷണത്തിലാണ് ഇക്കാര്യം പുറത്ത് വന്നത്. ഭക്ഷണത്തിന്റെ അളവ് കുറച്ച് അവ പുറത്ത് വില്‍ക്കുന്നത് മേലുദ്യോഗസ്ഥരാണ്. പെട്രോളും ഡീസലും അരിയും പച്ചക്കറിയും ഉള്‍പ്പടെ പകുതി വിലയ്ക്കാണ് വില്‍ക്കുന്നത് എന്ന് കണ്ടെത്തിയിട്ടുണ്ട്.

ബിഎസ്എഫിന്റെ 29 ബറ്റാലിയനലെ കോണ്‍സ്റ്റബിള്‍ തേജ് ബഹദൂര്‍ യാദവാണ് വീഡിയോ പുറത്ത് വിട്ടത്. ജവാന്‍ സ്വഭാവദൂഷ്യമുള്ള വ്യക്തിയാണ് എന്നായിരുന്നു ബിഎസ്എഫ് പ്രതികരിച്ചത്.

Comments

comments

Seo wordpress plugin by www.seowizard.org.