Breaking News

ശശികല നിങ്ങള്‍ എത്ര നികൃഷ്ടമായ മൂഢത്വം, നിങ്ങളുടെ അജ്ഞത എത്ര വൃത്തികെട്ടത്: ശാരദക്കുട്ടി

കേരളത്തിലെ മതേതര എഴുത്തുകാര്‍ക്ക് ഗൗരി ലങ്കേഷിന്റെ അനുഭവമായിരിക്കുമെന്ന ഹിന്ദു ഐക്യവേദി നേതാവ് ശശികലയുടെ ഭീഷണിക്ക് മറുപടിയുമായി എഴുത്തുകാരി ശാരദക്കുട്ടി. ശശികലയെ പോലുള്ളവരുടെ കാലത്ത് ജീവിച്ചിരുന്നാല്‍ തന്നെ ജീവിതത്തോട് ഒരുതരം അവജ്ഞ ചിന്തിക്കുന്നവരില്‍ ഉണ്ടാകുമെന്ന് ശാരദക്കുട്ടി തന്റെ ഫേസ്ബുക്ക് പോസ്റ്റില്‍ പ്രതികരിച്ചു.

sharadakutty

അതുകൊണ്ട് മരണം ഒരു അനുഗ്രഹം തന്നെയാണെന്നും അവര്‍ പറയുന്നു. അഭിമാനമുള്ളവര്‍ക്ക് മുന്നിലെ അനിവാര്യമായ ലക്ഷ്യവും അതുതന്നെയാണ്. മരണം ഭയപ്പെടുത്തുന്നുവെങ്കില്‍ മനഃക്ഷോഭം കൂടാതെ എങ്ങനെ ഒരടി മുന്നോട്ട് വയ്ക്കാന്‍ കഴിയും. ശശികല നികൃഷ്ടമായ മൂഢത്വമാണെന്നും അവരുടെ അജ്ഞത വളരെയധികം വൃത്തികെട്ടതാണെന്നും പോസ്റ്റില്‍ പറയുന്നു. മരണം എവിടെയാണ് നമ്മെ കാത്തിരിക്കുന്നത് എന്നത് അറിയാത്ത കാര്യമാണെന്നും എവിടെയും നമുക്കതിനെ കാത്തിരിക്കാമെന്നും ശാരദക്കുട്ടി ചൂണ്ടിക്കാട്ടി.

മരണത്തെ ശീലിക്കുക എന്നതിന്റെ അര്‍ത്ഥം വിമോചനത്തെ ശീലിക്കുക എന്നാണ്. എങ്ങനെ മരിക്കണമെന്ന് അറിയാവുന്ന വ്യക്തിക്ക് അടിമത്തത്തെ മനസ്സില്‍ നിന്ന് ബഹിഷ്‌കരിക്കാനും കഴിയും. എങ്ങനെ മരിക്കുന്നുവെന്ന് അറിഞ്ഞാല്‍ വിധേയത്വങ്ങളില്‍ നിന്നും അനാവശ്യ ഭയത്തില്‍ നിന്നും മോചിപ്പിക്കപ്പെടും. മരണം ഹൃസ്വവും തീഷ്ണവുമാണെങ്കില്‍ ഭയത്തിന് അവിടെ ഇടമില്ലെന്നും ശാരദക്കുട്ടി വ്യക്തമാക്കുന്നു.

സംഘപരിവാറിനെതിരെ എഴുതുന്നവര്‍ മൃത്യുഞ്ജയ ഹോമം നടത്തി കാത്തിരിക്കാനും ശശികല പറഞ്ഞിരുന്നു. നേരത്തെ ബിജെപി നേതാവ് ശോഭ സുരേന്ദ്രന്‍ സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനെതിരെ നടത്തിയ കുഴിയിലേക്ക് കാലും നീട്ടിയിരിക്കുന്നയാള്‍ എന്ന പ്രസ്താവനയ്‌ക്കെതിരെയും ശാരദക്കുട്ടി രംഗത്തെത്തിയിരുന്നു. നിരവധി പ്രമുഖരാണ് ഇപ്പോള്‍ ശശികലയുടെ പ്രസ്താവനയ്‌ക്കെതിരെ രംഗത്തുള്ളത്.

saradakkutti

 ശാരദക്കുട്ടിയുടെ ഫെയ്‌സ് ബുക്ക് പോസ്റ്റിൻറെ പൂർണ്ണ രൂപം 

മരണം എവിടെയാണ് നമ്മെ കാത്തിരിക്കുക എന്നത് അറിയാത്ത കാര്യമാണ്: അതുകൊണ്ട്, എവിടെയും നമുക്കതിനെ കാത്തിരിക്കാം. മരണത്തെ ശീലിക്കുക എന്നാൽ അർഥം വിമോചനത്തെ ശീലിക്കുക എന്നാണ്. എങ്ങനെ മരിക്കണമെന്ന് അറിയുന്ന വ്യക്തിക്ക് അടിമത്തത്തെ മനസ്സിൽനിന്ന് ബഹിഷ്കരിക്കാനും കഴിയും. എങ്ങനെ മരിക്കണമെന്നുള്ള ബോധം വിധേയത്വങ്ങളിൽ നിന്നും അനാവശ്യ ഭയങ്ങളിൽ നിന്നും മോചനം നൽകുന്നു. ജീവിതവിയോഗം ഒരു ദൗർഭാഗ്യമായി കരുതാൻ ആവില്ല..നമ്മുടെ മരണം ഹ്രസ്വവും

തീക്ഷ്ണവുമാണെങ്കിൽ അത്രയും നന്നായി. ഭയത്തിനു അവിടെ ഇടമില്ല; ശശികല, നിങ്ങളെ പോലെ ഉള്ളവരുടെ കാലത്തു ജീവിച്ചിരുന്നാൽ തന്നെ ജീവിതത്തോട് ഒരുതരം അവജ്ഞ ചിന്തിക്കുന്നവരിൽ ഉണ്ടാകും. അത് കൊണ്ട് ,മൃത്യു ഒരു അനുഗ്രഹം തന്നെ. . അഭിമാനമുള്ളവരുടെ മുൻപിലുള്ള അനിവാര്യമായ ലക്‌ഷ്യവും അത് തന്നെയാണ്. . മരണം നമ്മെ ഭയപ്പെടുത്തുന്നുവെങ്കിൽ മനഃക്ഷോഭം കൂടാതെ എങ്ങനെ ഒരടി മുന്നോട്ടു വെക്കാൻ കഴിയും?. ശശികല, നിങ്ങൾ എത്ര നികൃഷ്ടമായ മൂഡത്വം!! നിങ്ങളുടെ അജ്ഞത എത്ര വൃത്തികെട്ടത് !!!!

Comments

comments