Breaking News

98-ാം വയസിൽ ‘ദർശനമാല’ സംസ്കൃതത്തിൽ നിന്ന് മലയാളത്തിലേക്ക് മൊഴിമാറ്റിചന്ദ്രശേഖര വാര്യർ

എഴുത്തിന്റെയും വായനയുടെയും ലോകത്ത് പ്രായത്തെ വെല്ലുന്ന മനസാണ് ചന്ദ്രശേഖര വാര്യർക്ക്. ആശയഗാംഭീര്യം കൊണ്ട് ദാർശനികരെ വരെ പരീക്ഷിച്ച ശ്രീനാരായണ ഗുരുവിന്റെ ദാർശനിക കൃതികളിൽ ഏറ്റവും പ്രധാനപ്പെട്ട ‘ദർശനമാല’ സംസ്കൃതത്തിൽ നിന്ന് മലയാളത്തിലേക്ക് മൊഴിമാറ്റി 98-ാം വയസിലും അദ്ഭുതമാകുകയാണ് പി.ചന്ദ്രശേഖര വാര്യർ.

varrier

തൃശൂർ അഷ്ടമിച്ചിറയ്ക്കടുത്ത് പഴൂക്കര പേരൂർക്കാവിൽ വാര്യത്ത് മാധവി വാരസ്യാരുടെയും ഹരിപ്പാട് കിഴക്കേടത്ത് വാര്യത്ത് പരമേശ്വര വാര്യരുടെയും മൂത്ത മകനാണ് പി. ചന്ദ്രശേഖര വാര്യർ. സത്യദർശനത്തെ വാക്കുകളിലൂടെ പകരാനുള്ള ചന്ദ്രശേഖര വാര്യരുടെ കഴിവ് അദ്ഭുതം ജനിപ്പിക്കുന്നതാണ്.

ബ്രഹ്മത്തിന് ലളിത വ്യാഖ്യാനം നൽകിയ ശ്രീനാരായണ ഗുരുദേവന്റെ കൃതികളിൽ ഏറ്റവും മഹത്തരമാണ് ദർശനമാല. അദ്ധ്യാപകൻ കൂടിയായ പി. ചന്ദ്രശേഖര വാര്യർ വളരെ കുറഞ്ഞ സമയത്തിലാണ് ഈ കൃതി വിവർത്തനം ചെയ്തത്. ഇതോടൊപ്പം ധർമ്മചര്യകളെ പൂർണരൂപത്തിൽ ധരിച്ച് സമാഹരിച്ചിട്ടുള്ള സിദ്ധാന്തങ്ങളും അദ്ദേഹം മലയാളത്തിലേക്ക് മൊഴിമാറ്റി. ശ്രീനാരായണീയരായ അതിയാരത്ത് രവീന്ദ്രനും കെ.പി. സഹദേവനും ചേർന്നാണ് അർജ്ജുൻ പബ്ലിഷേഴ്സിന്റെ പേരിൽ മലയാള പരിഭാഷ പുറത്തിറക്കിയത്.

പുസ്തകപ്രകാശനത്തിൽ മാള ശ്രീനാരായണ ഗുരുധർമ്മ ട്രസ്റ്റും ഗുരുധർമ്മ പ്രചരണ സഭയും നേതൃപരമായ പങ്കും വഹിച്ചു. 1919 ജൂൺ 23ന് ജനിച്ച ചന്ദ്രശേഖര വാര്യർ മണ്ണാറശാലയിൽ മലയാളം നാലാം ക്ലാസ് വരെ പഠിച്ച ശേഷം സംസ്കൃതം സ്കൂളിൽ ആറ് കൊല്ലം പഠിച്ച് ശാസ്ത്രി പരീക്ഷ പാസായി. 1937 മുതൽ എട്ട് വർഷം ഏറ്റുമാനൂർ സംസ്‌കൃത പാഠശാലയിൽ അദ്ധ്യാപകനായി. അക്കാലത്ത് സ്വയം പഠിച്ച് മലയാളം സാഹിത്യ വിശാരദ പരീക്ഷയും പാസായി. 1946 ൽ നാട്ടിലേക്കെത്തിയ ചന്ദ്രശേഖര വാര്യർ തുമ്പൂർ ഹൈസ്കൂളിൽ അദ്ധ്യാപകനായി. സംസ്കൃത ഭാഷയിലും സാഹിത്യത്തിലും വൃത്താലങ്കാര വ്യാകരണത്തിലും അവഗാഹമുണ്ട്.

മറ്റ് സാഹിത്യസംഭാവനകൾ

1924 ൽ ആത്മാനന്ദ സ്വാമി ശ്രീനാരായണ ധർമ്മം എന്ന പേരിൽ രചിച്ച കൃതി വിവർത്തനം ചെയ്തു.
രഘുവംശം, നാരായണീയം, ഭഗവദ്ഗീത, ഭജഗോവിന്ദം എന്നീ കൃതികൾ മലയാളത്തിലാക്കി.
ചികുരബന്ധനം എന്ന മഹാകാവ്യ രചന നിർവഹിച്ചു.കുമാരനാശാന്റെ ലീല സംസ്കൃതത്തിലേക്ക് മൊഴിമാറ്റി. . .

Comments

comments